საქართველოში კორონავირუსის ახალი შტამის „ომიკრონის“ 2 შემთხვევა დადასტურდა. – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ონლაინ ბრიფინგზე განაცხადა.
“ორივე საქართველოს მოქალაქეა, რომლებსაც მოგზაურობის ისტორია აქვს აშშ-ში და ახლო აღმოსავლეთში, კერძოდ, დუბაიში. ორივე იზოლირებულია. მიმდინარეობს 26 კონტაქტის კვლევა“, – განაცხადა გამყრელიძემ.
აღნიშნულს “აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე სოციალურ ქსელში ეხმაურება:
“როდემდე არ უნდა დამიჯეროთ?!
ჯანდაცვის სისტემის ჩემთვის ჩაბარებას ვერავინ გაბედავს, არც ვითხოვ და არც მაქვს ამის აბიცია. ეს ყველამ კარგად ვიცით.
დღეს არსებული ჯანდაცვის მენეჯმენტის შეცვალა უნდა გადაიდის მინიმუმ 3-4 თვით!
კოვიდის “ომიკრონის” ვარიანტის გავრცელება, სავარაუდოდ, ყოველდღიურად გასამმაგდება ანუ 10-30-90 და ასე შემდეგ…
გამოიყენეთ სამედიცინო პირბადე!
დაიცავით დისტანცია!
გაიკეთეთ ფაიზერის ბუსტერი!”, – წერს ფხაკაძე “ფეისბუქის” პირად გვერდზე.
ცნობისთვის, ჰონგ-კონგის უნივერსიტეტის ჯგუფი, რომელმაც „ომიკრონის“ ლაბორატორიულ-მიკრობიოლოგიურ შესწავლაზე იმუშავა, აცხადებს, რომ „ომიკრონი“ 70-ჯერ უფრო სწრაფად მრავლდება ზედა სასუნთქ გზებში და ბრონქის კედელში, ვიდრე მისი წინამორბედი, „დელტა“ ვარიანტი და 10-ჯერ უფრო ნაკლებად ფილტვის ქსოვილში.
https://mix.metronome.ge/24467-2/