სოფელ ჯუღაანში მომხდარ მკვლელობაში ბრალდებულს პატიმრობა შეეფარდა. აღკვეთის ღონისძიების შეფარდებაზე თელავის რაიონულმა სასამართლომ იმსჯელა და 74 წლის ალბერტ დავითელაშვილს, ბრალდების მხარის მოთხოვნის თანახმად, აღმკვეთი ღონისძიების სახით პატიმრობა შეუფარდა.
დაცვის მხარე სასამართლოს ბრალდებულის აღკვეთის გარეშე დატოვებას სთხოვდა, ალტერნატივად კი 5000 ლარიან გირაოს სთავაზობდა.
დავითელაშვილი ნაწილობრივ ცნობს თავს დამნაშავედ და აცხადებს, რომ ცოლის მკვლელობის განზრახვა არ ჰქონია.
შეგახსენებთ, 1 ოქტომბერს, თელავის მუნიციპალიტეტის სოფელ ჯუღაანში, ბრალდებულმა ცოლს, 53 წლის თამარ დენტოშვილს, გულ-მკერდის არეში სასიკვდილო ჭრილობა მიაყენა.
პროკურატურამ მას ბრალი დამამძიმებელ გარემოებაში მეუღლის განზრახ მკვლელობისთვის წარუდგინა, რაც 20 წლამდე ვადით, ან უვადო პატიმრობას ითვალისწინებს.
საქმის წინასასამართლო სხდომა 25 ნოემბერს ჩაინიშნა.