მანჩესტერში, სინაგოგასთან ოთხი ადამიანი დანით დაჭრეს, ადგილზე იმყოფებიან საგანგებო სამსახურები და პოლიცია. გავრცელებული ინფორმაციით, უცნობი პირი მანქანით შეეჯახა სინაგოგასთან გამვლელებს, რის შემდეგაც ცივი იარაღით დაესხა მათ თავს.
მედიის ცნობით, თავდამსხმელი სავარაუდოდ უკვე მკვდარია, თუმცა ეს ინფორმაცია დადასტურებული არ არის.
შემთხვევის ადგილი პოლიციას აქვს გადაკეტილი. მომხდარის გამო მიმდებარე ქუჩებზე შეფერხებულია საავტომობილო მოძრაობა.
როგორც მანჩესტერის მერი აცხადებს, დიდი ალბათობით მოსახლეობისთვის საფრთხე უკვე აღარ არსებობს. მან მომხდარს სერიოზული ინციდენტი უწოდა.