თბილისის საქალაქო სასამართლოში კოალიცია ცვლილებისთვის ერთ-ერთი წევრის გელა ხასაიას პროცესი გაიმართა.
სხდომაზე მოსამართლე ნანა შამათავამ გადაწყვეტილება მიიღო და გელა ხასაიას აღკვეთის ღონისძიების სახით პატიმრობა შეუფარდა.
გადაწყვეტილების გამოცხადებამდე გელა ხასაიას პატიმრობის შუამდგომლობა პროკურატურამ დააყენა.
პროკურორმა მარიამ წულაიამ თქვა, რომ აღკვეთის ღონისძიების გამოყენების სამივე ფორმალური საფუძველი სახეზეა – განმეორებითი დანაშაულის ჩადენა, მოწმეებზე ზემოქმედება, მიმალვა.
შსს-მ გელა ხასაია 29 სექტემბერს დააკავა. მასთან ერთად დააკავეს კიდევ ერთი პირი – ვასილ ქერდიყოშვილი.
პროკურატურამ მათ ბრალდება ჯგუფურად ჩადენილი ჯანმრთელობის განზრახ ნაკლებად მძიმე დაზიანების მუხლით წარუდგინა, რაც 4-დან 6 წლამდე ვადით პატიმრობას ითვალისწინებს.
გამოძიების ვერსიით, 1 სექტემბერს, თბილისში, თამარ მეფის გამზირის მიმდებარე ტერიტორიაზე, ბრალდებულებმა ჯგუფურად ჯანმრთელობის განზრახ დაზიანება მიაყენეს დაზარალებულს.
დღევანდელ სასამართლო პროცესზე ცნობილი გახდა, რომ ვასილ ქერდიყოშვილი ბრალს აღიარებს – გელა ხასაიას ადვოკატების თანახმად, გელა ხასაია არ იცნობს იმ პიროვნებას, რომელიც ამავე საქმეზეა დაკავებული, ანუ, ვასილ ქერდიყოშვილს.