ირაკლი კობახიძე, “თანაინვესტირების ფონდის” ყოფილი ხელმძღვანელის, გიორგი ბაჩიაშვილის მშობლების მიმართ სისხლის სამართლებრივი დევნის დაწყების შემდეგ მედიასთან პირველად გამოჩნდა.
მისი თქმით, აღნიშნულ კონკრეტულ სისხლის სამართლის საქმეზე პასუხისმგებელი არიან შესაბამისი უწყებები, რომლებმაც გადაწყვეტილება მიიღეს.
რაც შეეხება ბაჩიაშვილის მშობლებს, ეს არის… რაც შეეხება ამ კონკრეტულ სისხლის სამართლის საქმეს, ამაზე არის პასუხისმგებელი შესაბამისი უწყებები, ორგანოები და მათ მიიღეს გადაწყვეტილება. მე ვერ ვიქნები ვერც კითხვის ადრესატი და ვერც შესაბამისად გაგცემთ პასუხს,” – განაცხადა ირაკლი კობახიძემ.
შეგახსენებთ, რომ პროკურატურამ პატიმრობაში მყოფი “თანაინვესტირების ფონდის” ყოფილი ხელმძღვანელის, გიორგი ბაჩიაშვილის მშობლების მიმართ სისხლის სამართლებრივი დევნა დაიწყო.