ა
“თანაინვესტირების ფონდის” ყოფილი ხელმძღვანელის ადვოკატის, ლევან მახარაშვილის განცხადებით, რადგან გიორგი ბაჩიაშვილის მშობლები ქვეყანაში არ იმყოფებიან და პროკურატურამ მათ ბრალი დაუსწრებლად წარუდგინა, უფლებადამცველი უშვებს, რომ მათზე საერთაშორისო ძებნა გამოცხადდეს.
ადვოკატის თქმით, მან პირადად დაურეკა პროკურორს და საქმის მასალების გადაცემა ითხოვა. უფლებადამცველი აღნიშნავს, რომ მასალებს სავარაუდოდ ხვალ გადასცემენ.
რამდენიმე წუთის წინ დასრულდა გიორგის [ბაჩიაშვილის] ერთ-ერთი საქმის განხილვა, შესაბამისად არანაირი ინფორმაცია არ გამაჩნია. პროცესიდან გამოსვლის შემდეგ მე პირადად დავურეკე პროკურორს, რომ გადმოეცათ საქმის მასალები და ჩამებარებინა ბრალდების დადგენილება, სავარაუდოდ, ეს ყველაფერი მოხდება ხვალ.
გიორგის მშობლები არ იმყოფებიან საქართველოში და როდესაც დაუსწრებლად ხდება ბრალის წარდგენა, თუ არ ეყოლებათ , მათ მიერ შერჩეული ადვოკატი, სახელმწიფოს შეუძლია ჩააბას იურიდიული დახმარების სამსახურის წარმომადგენელი და ვუთხარი, რომ მე ჩავერთვებოდი.
ცხადია, დაშვება ყველაფრის შეიძლება [შეიძლება გიორგი ბაჩიაშვილის მშობლებზე საერთაშორისო ძებნა გამოცხადდეს], მითუმეტეს ამ საქმეში. შეგიძლიათ მიმართოთ პრკურატურას და მათ კითხოთ რას აპირებენ,” – განაცხადა ლევან მახარაშვილმა.
შეგახსენებთ, რომ პროკურატურამ პატიმრობაში მყოფი “თანაინვესტირების ფონდის” ყოფილი ხელმძღვანელის, გიორგი ბაჩიაშვილის მშობლების მიმართ სისხლის სამართლებრივი დევნა დაიწყო.