“ამ დრომდე არ გაგიგიათ ვინ შეიძლება გახდეს ჯანდაცვის მინისტრი?” – TV – “პირველის” ჟურნალისტის შეკითხვას დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილე პაატა იმნაძემ უპასუხა: – “მინისტრი ჯერჯერობით ქალბატონი ეკაა”.
როგორც იმნაძე აღნიშნავს, მისთვის უცნობია ვინ განიხილება ტიკარაძის შემცვლელად.
ამასთან, ჟურნალისტის შესაბამისი კითხვის პასუხად დაავადებათა კონტროლის ეროვნული ცენტრის დირექტორის მოადგილე ამბობს, დასახელების შემთხვევაში, როგორც არჩილ თალაკვაძის, ისე ლევან რატიანის კანდიდატურას მხარს დაუჭერს.
“კომპეტენციის გათვალისწინებით, რომელი უფრო მოგწონთ?” – ჟურნალისტს იმნაძე შემდეგნაირად პასუხობს: – “მოწონებით ანჯელინა ჯოლი მომწონს”
ცნობისთვის, 9 დეკემბერს, ეკატერინე ტიკარაძემ განაცხადა, რომ წლის ბოლოს ჯანდაცვის მინისტრის თანამდებობას დატოვებს.
მისი თქმით, საქმიანობას “ქართული ოცნების” პოლიტსაბჭოში გააგრძელებს. უკავშირდება თუ არა მისი გადადგომა პრემიერთან შესაძლო უთანხმობას, ის ამ თემაზე არ საუბრობს.