“აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე სოციალურ ქსელში წერს, რომ კორონავირუსის ახალი შტამი “ომიკრონი” უკვე საქართველოშიც ცირკულირებს და ის ოფიციალურად რამდენიმე დღეში დადასტურდება.
ამასთან, ფხაკაძის მიერ გავრცელებული ინფორმაციის თანახმად, “ომიკრონის” გავრცელების სისწრაფე არნახულია, უხილავ მტერთან საბრძოლველად კი აუცილებელია ვაქცინის ე.წ. ბუსტერ დოზის გაკეთება და პირბადის ტარება.
მისივე ცნობით, “ომიკრონის” გავრცელების გამო მსოფლიოში “ფაიზერისა” და “მოდერნას” ვაქცინების დეფიციტია.
“ომიკრონი” რამდენიმე დღეში საქართველოშიც ოფიციალურად დადასტურდება.
არაოფიციალურად ომიკრონი უკვე “დაბოდიალობს” საქართველოში და ეს ყველამ ვიცით. გიორგი ფხაკაძემ ამის შესახებ ჯერ კიდევ წინა კვირას ისაუბრა…
60-ზე მეტ ქვეყანაში ომიკრონი უკვე დადასტურდა.
მარტო ბრიტანეთში დღეისათვის ყველა ახალი ინფიცირებულის 40% “ომიკრონის” ვარიანტზე მოდის.
“ომიკრონის” გავრცელების სისწრაფე არის არნახული. ასე სწრაფად კორონავირუსის არცერთი ვარიანტი არ გავრცელებულა და სავარაუდოდ, რამდენიმე კვირაში ის იქნება დომინანტი ვარიანტი ევროპაში, ახლო მომავალში კი მსოფლიოშიც, საქართველის ჩათვლით.
“ომიკრონის” ასაცილებლად გაძლიერებული “დაცვა” არის საჭირო და სავარაუდოდ, საჭიროა კოვიდ ვაქცინების მე-3 დოზების სასწრაფოდ ადმინისტრირება. შესაბამისად, მსოფლიოში მაღალ ეფექტურ ვაქცინებზე, “ფაიზერზე” და “მოდერნაზე” არის დეფიციტი!
გამოიყენეთ სამედიცინო პირბადე!
დაიცავით დისტანცია!
დაიბანეთ ხელები!
გაანიავეთ შენობები ყოველ 15-20 წუთში!
აიცერით ვაქცინის მე-3 დოზით!
სამწუხაროდ, ვინც დღემდე არ/ვერ აიცრა, უკვე გვიანია, ვინაიდან აცრიდან მხოლოდ 45 დღეში არის დაცვა და უკვე ვიცით, რომ “ომიკრონისგან” დასაცავად ბუსტერია საჭირო. შესაბამისად, დღეს თუ აიცრებით, 2-3 თვე მაინც არ იქნებით დაცულები. ვინც არ/ვერ ხართ აცრილები, თქვენი ერთადერთი ძლიერი შეიარაღება არის სამედიცინო პირბადე და დისტანცია!”, – წერს ფხაკაძე “ფეისბუქის” პირად გვერდზე.
https://mix.metronome.ge/24408-2/