დაავადებათა კონტროლის ეროვნული ცენტრის წლიურ ანგარიშს ჯანდაცვის უკვე ყოფილი მინისტრთან, ეკატერინე ტიკარაძესთან ერთად, საპარლამენტო უმრავლესობის წევრი, არჩილ თალაკვაძეც დაესწრო, რომელიც ჯანდაცვის უწყების მომავალ ხელძღვანელად განიხილება.
“ბატონო არჩილ, ყოველთვის ეკატერინე ტიკარაძის გვერდით ზიხართ მსგავს ღონისძიებებზე?” – ჟურნალისტის შეკითხვას თალაკვაძემ ირონიით უპასუხა: – “ანუ ეს ძალიან ჩამჭრელი კითხვაა?”
ამასთან, როგორც თალაკვაძე ამბობს, ტიკარაძის შემცვლელზე გადაწყვეტილება ჯერ მიღებული არ არის და გუნდი ამ საკითხზე აქტიურად მსჯელობს.
მისივე თქმით, ჯანდაცვის ახალი მინისტრი იქნება ღირსეული პროფესიონალი, რომელიც სათანადოდ უპასუხებს იმ გამოწვევებს, რომელიც ქვეყანაში არსებობს.
“მე მინდა ეკატერინე ტიკარაძეს წარმატებები ვუსურვო, მის გვერდით ჯდომა, რა თქმა, უნდა, ნიშნავს, რომ ჩვენ ვართ თანაგუნდელები და დარწმუნებული ვარ, თავის წვლილს მომავალშიც შეიტანს საქართველოს წარმატებაში. მე ვიჯექი მის (ეკატერინე ტიკარაძის) გვერდით იმიტომ, რომ ის არის ჩვენი თანაგუნდელი, რაც შეეხება ჯანდაცვის ახალ მინისტრს, მიმდინარეობს გუნდში მსჯელობა, გადაწყვეტილებას მიიღებს პრემიერ-მინისტრი და სწორედ ის წარადგენს ჯანდაცვის ახალ მინისტრს.
ვთვლი, რომ პარლამენტარებმა წინ არ უნდა გავუსწროთ პროცესს, რომელიც გუნდში მიმდინარეობს. შემიძლია დაგარწმუნოთ, რომ ჯანდაცვის ახალი მინისტრი იქნება ღირსეული პროფესიონალი, რომელიც სათანადოდ უპასუხებს იმ გამოწვევებს, რომელიც ქვეყანაში არსებობს”, – აღნიშნა არჩილ თალაკვაძემ.
ცნობისთვის, ეკატერინე ტიკარაძემ ჯანდაცვის მინისტრის პოსტის დატოვებაზე განცხადება 9 დეკემბერს გააკეთა, თუმცა ის მინისტრის მოვალეობას წლის ბოლომდე შეასრულებს.
https://mix.metronome.ge/24459-2/