“მე სხვათაშორის ბევრს ვფიქრობდი ჩვენი პრემიერ-მინისტრის გადაწყვეტილებაზე. როგორც ექიმი, თავდაპირველად გავბრაზდი, ეს რა სისულელელეა-მეთქი, მაგრამ შემდეგ მივხვდი, რომ ეს არის ჩვენი მოქალაქეების მოთხოვნა. ჩვენი ქართველები ეუბნებიან, არ გვინდა და თავი დაგვანებეო, მთავრობაც კი ბატონო, აგერ, ქართული პასპორტი – ჯიგრულ პონტშიო…”, – ამის შესახებ “აკრედიტაცია საზღვრების გარეშე” პრეზიდენტმა, პროფესორმა გიორგი ფხაკაძემ “ფეისბუქის” პირდაპირ ეთერში ჩართვისას აღნიშნა, რომლითაც ის კიდევ ერთხელ გამოეხმაურა, ე.წ. კოვიდ/მწვანე პასპორტების გაცემის საკითხს, რომელიც უშუალოდ ირაკლი ღარიბაშვილის პირადი გადაწყვეტილებაა.
“გულწრფელად გეტყვით, ძალიან გაბრაზებული ვიყავი, მაგრამ ახლა რომ ვუყურებ, რა უნდა ქნას მთავრობამ?! მთავრობა არის მოქალაქეების სარკე. ხოდა, თუ ყველას გვინდა ვიყოთ ისე, როგორც ვართ, მთავრობა მაქსიმალურად გააკეთებს იმას, რისი გაკეთებაც შეუძლია”, – ამბობს ფხაკაძე ვიდეომიმართვაში.