ფეხბურთელი შოთა არველაძე “ფეისბუქის” მეშვეობით ქუთაისის „ტორპედოსა“ და მარტვილის „მერანის“ პლეი ოფის დაპირისპირებას გამოეხმაურა, რომელიც ქუთაისელებმა ორი მატჩის ჯამში 3:2 (0:2 გასვლაზე, 3:0 შინ) მოიგეს და ეროვნულ ლიგაში ადგილი შეინარჩუნეს.
“ეს მნიშვნელოვანი და კარგი ტრადიციაა და მიხარია, რომ ამას ქართული გუნდიც ამკვიდრებს. გადამწყვეტი და ემოციური თამაშის წაგების შემდეგ, როცა გუნდი ახერხებს და საკუთარ თავში ამის ძალას პოულობს დასაფასებელია. მთელ რიგ საკითხებში ნორმად მივიჩნევთ იმას, რაც არანორმალურია და კარგია, რომ რაღაც პირიქითაც ხდება და მსგავსი ფაქტებით კარგი მაგალითები ჩნდება. მადლობა და წარმატებები FC Merani Martvili! FC Torpedo Kutaisi-ს ვულოცავ ლიგაში ადგილის შენარჩუნებას. ბათუმის მსგავსად, ამ ქალაქსაც ახალი სტადიონი სჭირდება!”, – წერს არველაძე სოციალურ ქსელში.
საქართველოს კრისტალბეთ ეროვნული ლიგის პლეი-ოფის ბოლო შეხვედრა დრამატული გამოვიდა – ქუთაისში, რამაზ შენგელიას სახელობის სტადიონზე, ტორპედომ მარტვილის მერანს სამი უპასუხო გოლი გაუტანა და რანგით უმაღლეს ლიგაში ადგილი შეინარჩუნა (3-0).
მატჩამდე, ტორპედოს მდგომარეობა საკმაოდ მძიმე იყო, რადგან გუნდების პირველი მატჩი მერანის სასარგებლოდ დასრულდა (2-0).
მიუხედავად იმის, რომ “მერანმა” საქართველოს კრისტალბეთ ეროვნულ ლიგაში დაწინაურება ვერ შეძლო, მატჩის შემდეგ ღირსეული ჟესტით გამოირჩა და გამარჯვებულს წარმატება უსურვა.