“ არ მჯერა, რომ უკრაინაში ომი მალე დასრულდება” – რეჯეფ თაიფ ერდოღანი

“არ მჯერა, რომ უკრაინაში ომი მალე დასრულდება”, – ამის შესახებ თურქეთის პრეზიდენტმა, რეჯეფ თაიფ ერდოღანმა Fox News-თან ინტერვიუში განაცხადა.

„გულწრფელად რომ გითხრათ, არ მჯერა, რომ ეს მოხდება [უკრაინაში ომი მალე დასრულდება]. ეს კარგი ამბავი არ არის. მჯერა, რომ ეს გაგრძელდება“, – განაცხადა რეჯეფ თაიფ ერდოღანმა.

მისი თქმით, „ეკონომიკური თვალსაზრისით უკრაინას რუსეთისთვის კონკურენციის გაწევა არ შეუძლია, ხოლო ევროპა უკრაინისთვის მხარდაჭერის გაგრძელებას სამუდამოდ ვერ შეძლებს“.

„უკრაინისა და რუსეთის დანაკარგები დიდია. რუსეთის დანაკარგები ბოლო დროს გაიზარდა. იმედია, ევროპის მიერ უკრაინის მხარდაჭერა გაგრძელდება. ასევე, არ ვიცი რამდენ ხანს გაგრძელდება აშშ-ის მხარდაჭერა. წინასწარ ამის შეფასება არ შემიძლია“, – აღნიშნა თურქეთის პრეზიდენტმა.