ქორეოგრაფი, სუხიშვილების სოლისტი სოსო დეკანოიძე 66 წლის ასაკში გარდაიცვალა.
საჩხერის საპატიო მოქალაქის, სოსო დეკანოიძის გარდაცვალებასთან დაკავშირებით, სამძიმრის წერილს აქვეყნებს საჩხერის მუნიციპალიტეტის მერიის კულტურის სამსახური:
„სოსო დეკანოიძე – 1958-2025
ყველაფერი-ყველაფერი, მაგრამ ამას ვერც ვერავინ იფიქრებდა, ვერც წარმოიდგენდა…
მერე და რა დროს, ქორეოგრაფიული შემოქმედებითი მოღვაწეობის ჯერ კიდევ ზენიტში ყოფნისას – 10 ოქტომბერს შეუსრულდებოდა 67 წელი.
რაინდული, ბობოქრული, ცეცხლოვანი სულით აღსავსე 23 წლის განმავლობაში იჯდა საჩხერის კულტურის ცენტრის ანსამბლ „სამეფოს“ „ტახტზე“.
უამრავი ახალგაზრდა აზიარა ქორეოგრაფიულ ხელოვნებას, ბევრ მადგანს უქცია ქართული, უნიკალური ცეკვა პროფესიად.
დიდებული იყო სიყვარულში, პატივისცემაში, მეგობრობაში, თანადგომაში, სცენაზე კი – განუმეორებელი!
გვახსოვს ქართული ქორეოგრაფიის დედოფალმა, ქალბატონმა ნინო რამიშვილმა თავის ჯადოქარი ანსამბლის საჩხერეში პირველად ჩამოსვლის დროს რა კარგად თქვა: „სოსოზე მეკითხებით? სოსო მარტო ჩემი ანსამბლის წამყვანი სოლისტი კი არა, ჩემი შვილიც არისო“.
ძნელია, რაიმე დაამატო ამ შეფასებას. ეს ერთგვარი მემკვიდრეობა დაუმტკიცებია არა მარტო საჩხერესა და საქართველოში, არამედ მსოფლიოს დიდი ქალაქების სცენებზეც.
ამიტომაც არის საჩხერის საპატიო მოქალაქის, სოსო დეკანოიძის იმ ქვეყანაში გარდასახვის სინანული უკიდეგანო და დაუძლეველი.
ამიტომაც თანაუგრძნობთ აწ განსვენებულის ოჯახს, ჩვენი მუნიციპალიტეტისა და სრულიად საქართველოს საზოგადოებას“
ზურა თურმანიძესაჩხერის მუნიციპალიტეტის მერიის კულტურის სამსახური