აჭარაში ავტოსაგზაო შემთხვევას მსხვერპლი მოჰყვა. ავარიის შედეგად ერთი ადამიანი დაიღუპა და ორი დაშავდა.
ინფორმაციას „აჭარა თაიმსი“ ავრცელებს.
შემთხვევა დღეს დილით, ბათუმი ახალციხის დამაკავშირებელ გზაზე, ქედა-ხელვაჩაურის მონაკვეთზე მოხდა.
დაშავებულებს შორის 1 წლამდე ბავშვია. დედა-შვილი საავადმყოფოშია მოთავსებული. ახლობლების ინფორმაციით, მათი მდგომარეობა მძიმეა.
შინაგან საქმეთა სამინისტრომ მომხდარ ფაქტზე გამოძიება სსკ 276-ე მუხლით დაიწყო.
მომხდართან დაკავშირებით დამატებითი დეტალები უცნობია.