სვეტიცხოვლის ეზოში, ვერაზე მოკლული ნიკოლოზ კვარაცხელიას სახელზე ზეთისხილის ხე დაირგო.
ამის შესახებ ინფორმაციას სოციალური ქსელი “ფიდსი” ავრცელებს.
“დღეს, სვეტიცხოვლის ეზოში, ნიკოს სახელზე დაირგო ზეთისხილის ხე. ეს არის ემბლემატური ხე მართლმადიდებლური მრწამსის ადამიანთათვის. ის იმდენად სიცოცხლისუნარიანია, რომ საუკუნეებს უძლებს. ამდენად, საუკუნოდ იქნება ხსენება ჩვენი ნიკოსი…
მსგავსი პატივი მხოლოდ რჩეულთა ხვედრია და უდიდესი დაფასებაა, რა თქმა უნდა. აღსანიშნავია თითოეული ადამიანის წვლილი ნიკოს სახელის უკვდავყოფაში. განსაკუთრებით, – იმ კეთილი და ბრძენი კაცისა, რომელმაც უშუალოდ გასცა კურთხევა.
მართალია, ეს არ გაკეთებულა მადლობისთვის, მაგრამ ნიკო აუცილებლად ეტყოდა მადლობას მათ, რადგან ასეთი იყო მისი ბუნება, ასე აღზარდეს მშობლებმა…
საუკუნოდ იყოს ხსენება შენი, ნიკო!..”, – წერია ინფორმაციაში.
შეგახსენებთ, ნიკო კვარაცხელია 15 სექტემბერს, ანჯაფარიძის ქუჩაზე მოკლეს.