(ვიდეო) დაპირისპირება თბილისის საკრებულოს სხდომაზე – „დაჯექი, ორიანი” – კალაძე ნადირაძეს

დედაქალაქის საკრებულოში ხმაურის ფონზე წარიმართა, სადაც საქალაქო სამსახურების ხელმძღვანელებისა და გამგებლების დამტკიცების საკითხზე მსჯელობენ.

„ნაციონალური მოძრაობის“ წარმომადგენელმა, ირაკლი ნადირაძემ დედაქალაქის მერი კახა კალაძე კორუფციაში დაადანაშაულა.

„ერთიანი ნაციონალური მოძრაობის“ წარმომადგენელმა, ირაკლი ნადირაძემ დედაქალაქის მერი კახა კალაძე კორუფციაში დაადანაშაულა და კითხა, კიდევ რამდენი მილიონი ლარის “გაზიდვას” აპირებდა ქალაქის ბიუჯეტიდან მილანში და რამდენი მილიონი ლარის ქონების გადაცემას აპირებდა “კომოს ტბის ძმაკაცებისთვის”. ქალაქის არჩეულმა მერმა დეპუტატის სიტყვით გამოსვლისას მას ჯამბაზი უწოდა.

“ლევან ხაბეიშვილი, რომელიც იყო საკრებულოს ნომერ პირველი ჯამბაზი და ის ჩაანაცვლა ირაკლი ნადირაძემ. მივცეთ საშუალება, რომ გავერთოთ!” – განაცხადა მერმა საკრებულოს სხდომაზე, სადაც საკრებულოს თავმჯდომარემ არაერთხელ მოუწოდა ოპოზიციონერ დეპუტატს დაესვა კითხვები და თავი შეეკავებინა შეფასებების გაკეთებისგან.

“თქვენ შეიძინეთ თბილისისთვის 200-ზე მეტი ავტობუსი და ამ შესყიდვიდან 60 მილიონზე მეტი მოიპარეთ. ამბობთ, რომ მომავალ წელსაც აპირებთ იყიდოთ ავტობუსები, მაინტერესებს, აქედან რამდენ მილიონს მოიპარავთ?

თქვენ ნათელმირონ წულაიას ვარკეთილის მესამე მასივში 16 მილიონი ლარის ქონება გადაეცით 1 ლარად.

თქვენ მეგობარ ბექა ოდიშარიას 200 000 ლარის ქონება გაუცვალეთ 5 მილიონ ლარში.

ასევე, კომოს ტბის ძმაკაცებს “ცენტრ პოინტის” 35 მილიონის ქონება უნდა განაკარგვინოთ. მაინტერესებს, კიდევ რამდენი მილიონი ლარი უნდა მიცეთ თქვენს ძმაკაცებს?

მილანური სანაგვე, მილანური ნაძვის ხე, მაინტერესებს კიდევ რამდენი მილიონი ლარი უნდა გაზიდოთ მილანებში?

და ბოლოს, სამართლიანია, რომ ამდენი კორუფციული სკანდალის მერე აქ იყოთ, მთავრობას ამტკიცებდეთ და ქვეყნის მთავარი რეფორმატორი მიხეილ სააკაშვილი გყავდეთ ციხეში”, – იკითხა საკრებულოს სხდომაზე ირაკლი ნადირაძემ, რასაც კალაძემ რეპლიკით უპასუხა: “დაჯექი, ირაკლი, ორიანი!”, – აღნიშნულზე ნადირაძემ თბილისის მერს მიუგო: – შენ, მართლა ოროსანო!”