“აგონიაში არიან და განსაკუთრებით ეს ამაზრზენი კალაძე, რომელიც მართლა ქალივით დადის და პლასტიკური ქირურგიის კაბინეტიდან არ გამოდის, ბოტოქსს ბოტოქსზე და ფილერებს რომ იკეთებს, ეს ამბობს, რომ ქალებს სად ხედავთო, ორი თვალი არ აქვს?! ყველას კანონით მიეზღვებათ!,- ასე აფასებს “ლელო-ძლიერი საქართველოს” წევრი, ალეკო ელისაშვილი მელიქიშვილის გამზირზე განვითარებულ მოვლენებთან დაკავშირებით თბილისის მერობის კანდიდატის, კახა კალაძის განცხადებას.
ელისაშვილის თქმით, გუშინ, მელიქიშვილის გამზირზე გამართულ საპროტესტო აქციაზე მომხდარი ფაქტები სისხლის სამართლის დანაშაულია, რაზეც პასუხისგება არსებული ხელისუფლების “გაყრის მერე” ყველას მოუწევს.
„კალაძე არის აგონიაში და აგონიაში მყოფი ადამიანები სჩადიან ასეთ შეცდომებს იმიტომ, რომ ეს იყო მავნებლობა, ეს იყო შეცდომა, ეს იყო ორგანიზებული თავდასხმა. რა გააკეთოს კალაძემ, არ იცის, იმიტომ, რომ მოქალაქეებთან სალაპარაკო პირი არ აქვს. რვა წლის განმავლობაში თბილისელები აბსოლუტურად ყველაფერში გადააგდო, რასაც დაჰპირდა მოატყუა . გრძლად შემიძლია მოვყვე რაში გადააგდო და რას დაჰპირდა.
ძალადობაზე გადადიხარ მაშინ, როცა სალაპარაკო, არგუმენტი არაფერი გაქვს. გუშინ, რაც მოხდა, სისხლის სამართლის დანაშაულია. ვიხილეთ ქალებზე თავდასხმა, ჟურნალისტებზე თავდასხმა. ხელის შეშლა, ტელეფონების წართმევა- ეს ყველაფერი სისხლის სამართლის დანაშაულია და პოლიციელებზე თავდასხმა “ქართული ოცნების” ვიღაც იდიოტის, „ტიტუშკების“ მიერ. პოლიციელებს ურახუნებდნენ თავში. რამდენიმე პოლიტპატიმარი ციხეში იმის გამო ზის, რომ ქაღალდი და მუყაოს ჭიქა ისროლეს და ამათმა თავში ურახუნეს ბოთლები პოლიციელებს და ვითომ არაფერია! აგონიაში არიან და განსაკუთრებით ეს ამაზრზენი კალაძე, რომელიც მართლა ქალივით დადის და პლასტიკური ქირურგიის კაბინეტიდან არ გამოდის, ბოტოქსს ბოტოქსზე და ფილერებს რომ იკეთებს, ამბობს, ქალებს სად ხედავთო. რა ქალებს სად ხედავთ, ორი თვალი არ აქვს? რაღაცაზე, რომ ვითომ პრეტენზიები აქვთ ამ გულისამრევებს, რომ კაცობენ და ვითომ ტიპობენ, ქალს რომ ხელს დაარტყამ, ეს არის კაცობა? სად გაიზარდნენ!
რა თქმა უნდა, გამოძიება დაიწყება და ისევ აქედან დაიჭერდნენ ხალხს, ეს ლაჩრები. სანამ ესენი არიან, მათგან, რა სამართალს ველოდებით, რომ გავყრით, მერე დავიჭერთ ყველას. ვინც პოლიციელს ურახუნებდა, ვინც გოგოებს ურტყამდა და ჟურნალისტებს ხელს უშლიდა, ყველას კანონით მიეზღვება“,- განაცხადა ელისაშვილმა.