პარტია “გახარია-საქართველოსთვის” ეხმაურება “ტვ იმედის” მიერ გავრცელებულ ინფორმაციას, სადაც ნათქვამია, რომ პარტიამ ბოიკოტი შეწყვიტა და პარლამენტში შედის.
“გახარია-საქართველოსთვის” განცხადებით, ისინი რჩებიან პოლიტიკურ ბოიკოტში და მანდატებთან დაკავშირებით პარტიას აზრი არ შეუცვლიათ.
“ჩვენ ვრჩებით პოლიტიკურ ბოიკოტში! მანდატებთან დაკავშირებით, რომელიც უკვე ბევრჯერ გავლილი თემაა, ვითარება არ შეცვლილა!
ეს არის პროცედურული საკითხი, რომელიც 6 თვის წინაც გავიარეთ (მაგ. დეკლარაციის შევსებისას).
ჩვენ ვრჩებით პოლიტიკურ ბოიკოტში!“, – ნათქვამია განცხადებაში.
“ტვ იმედის” გავრცელებულ ინფორმაციას სოციალური ქსელით ასევე გამოეხმაურა “გახარია-საქართველოსთის” წევრი ბერდია სიჭინიავაც:
“იმედის” ბინძურ პროპაგანდაზე:
ჩვენს პოზიციონირებაში არაფერი შეცვლილა ამ
პარლამენტის ლეგიტიმაციის ნაწილში.
ზუსტად ასეთი პროცედურა გაიარა ჩვენი საპარლამენტო სიის პირველმა თორმეტმა ადამიანმა, როცა შეუთავსებელი თანამდებობები დატოვეს იმისთვის, რომ მანდატები არ დაიკარგოს…..ზუსტად ასე იყო თანამდებობრივი დეკლარაციების შევსების ნაწილშიც.
ნუ აჰყვებით “იმედის” ცრუ პროპაგანდას – წერს სიჭინავა.