“ჩემი ინიციატივითა და ჩემი კოლეგა ევროპარლამენტარების მხარდაჭერით, ჩვენ მივმართეთ პრეზიდენტ ურსულა ფონ დერ ლაიენს სომხეთში დაკავებული და რუსეთში ექსტრადიციის საფრთხის წინაშე მყოფი, უკრაინაში მყოფი ქართველი მებრძოლის, გიორგი კინოიანის სასწრაფო საქმესთან დაკავშირებით. ჩვენ ხაზგასმით აღვნიშნეთ, რომ მის სიცოცხლეს საფრთხე ემუქრება და მოვუწოდეთ ევროკავშირს სწრაფი დიპლომატიური ქმედებებისკენ ამის თავიდან ასაცილებლად.
საქმე ეხება ადამიანის უფლებების, სამართლიანობისა და ევროპული ღირებულებების დაცვას, რომლებსაც ყველანი ვიცავთ. დუმილი ან დაყოვნება არ შეიძლება იყოს ვარიანტი!” – წერს X-ზე პოლონელი ევროპარლამენტარი, კშიშტოფ ბრეიზა.
გიორგი კინოიანი სომხეთის საზღვარზე 3 სექტემბერს აიყვანეს, ის რუსეთის მოთხოვნით იძებნება. ახლა ქართველი მებრძოლი 40-დღიანი საექსტრადაციო ვადით ჰყავთ დაპატიმრებული, რაც პროცედურულად გულისხმობს, რომ ამ დროში რუსეთმა მისი ექსტრადაციისთვის საჭირო მტკიცებულებები და დოკუმენტაცია უნდა წარადგინოს. დააკმაყოფილებს თუ არა რუსეთის მოთხოვნას და გადასცემს თუ არა ოკუპანტ სახელმწიფოს ქართველ მებრძოლს, სომხეთის სასამართლომ უნდა გადაწყვიტოს.