ზაფხულის ცხელი ამინდები დასვენებასთან და განტვირთვასთან ასოცირდბა, თუმცა, როგორც აღმოჩნდა, შემოდგომის მოსვლასთან ერთად, იგი ვირუსებისთვისაც აქტიური სეზონია. ინფექციონისტი ალექსანდრე გოგინავა “მეტრონომთან” საუბრისას აღნიშნავს, რომ ცხელ ამინდებში რესპირაციული ინფექციები შედარებით შემცირეულია, მაგრამ მიუხედავად ამისა, ვრცელდება ისეთი ტიპის ვირუსებიც, როგორებიცაა რინოვირუსი, კორონავირუსი, ადენოვირუსი, ენტეროვირუსი და სხვა.
“ამ ეტაპისთვის უნდა აღვნიშნო, რომ შედარებით მომატებულია COVID-19-ის ახალი ვარიანტის, ომიკრონის შედეგად გამოწვეული ინფექციები, რომელსაც რესპირატორული ინფექციისთვის დამახასიათებელი სიმპტომები ახასიათებს: ხველა, ყელის ტკივილი, ტემპერატურის მატება, და ხშირ შემთხვევაში, დიარეაც. როგორც წესი, რამდენიმე დღეში სიმპტომები ლაგდება” – აღნიშნა ინფექციონისტმა “მეტრონომთან” და მოსახლეობას მოუწოდა, რომ თუ მსგავსი ჩივილები დაფიქსრიდა, აუცილებლად მიმართონ ექიმს.
ალექსანდრე გოგინავას თქმითვე, განსაკუთრებით საყურადღებოა რისკჯგუფში შემავალი ადამიანები – ხანდაზმულები, ქრონიკული დაავადების მატარებელნი და მცირეწლოვანი ბავშვები. მისი რჩევით, დაინფიცირებისგან თავის არიდების ერთ-ერთი გზა ჰიგიენური ნორმების დაცვაა, რადგან ამ ხერხით შემცრიდება ინფექციების გავრცელების რისკებიც.
“ძირითადად, ეს ვირუსული ინფექცფიები გადადის კონტაქტური და ჰაერწვეთოვანი გზით. თუ აღგვენიშნება სიმპტომები, უნდა მოვერიდოთ სხვა ადამიანებს, რადგან ძალაუნებურად არ გავხდეთ ინფექციის გავრცელების წყარო. ახლა რადგან სასწავლო სეზონი მოდის, ბაღებსა და სკოლებში, ასევე სხვა სასწავლო დაწესებულებაში, ჰიგიენური ნორმები უნდა იქნეს დაცული” – თქვა ალექსანდრე გოგინავამ.
ინფექციონისტი მშობლებს მოუწოდებს, რომ თუ ბავშვს ხველა, ყელის ტკივილი, ტემპერატურის მატება ან დიარეა აღენიშნება, არ გაუშვან სკოლებსა და ბაღებში.