საქართველოს ფეხბურთელთა ნაკრები პირველი ტაიმის შემდეგ ბულგარეთს ამარცხებს ანგარიშით 2:0.
მატჩში ანგარიში 30-ე წუთზე ხვიჩა კვარაცხელიამ გახსნა. მან მეტოქე გუნდის ფეხბურთელების შეცდომით ისარგებლა, მარცხენა ფლანგიდან საჯარიმოში შევიდა და ზუსტად დაარტყა.
უპირატესობა ორამდე ნიკა გაგნიძემ გაზარდა – მან გოლი 44-ე წუთზე გაიტანა.
მსოფლიო ჩემპიონატის საკვალიფიკაციო ეტაპის პირველ ტურში საქართველოს ნაკრები შინ თურქეთთან 2:3 დამარცხდა.