გიორგი გახარია სოციალური ქსელით განცხადებას ავრცელებს და მამუკა ხაზარაძესა და ბადრი ჯაფარიძეს თავისუფლებას ულოცავს.
გიორგი გახარია ოპოზიციურ პარტიებს ერთმანეთის მხარდაჭერისაკენ მოუწოდებს, ხოლო მოსახლეობას მოუწოდებს დაინახონ თუ როგორ ართმევს “ოცნება” თითოეულ ახალგაზრდას მომავალს.
ვულოცავ მამუკა ხაზარაძესა და ბადრი ჯაფარიძეს თავისუფლებას!
მხნეობასა და მალე გათავისუფლებას ვუსურვებ ყველა პოლიტიკურ პატიმარს!
სანამ “ოცნება” ადამიანებს პოლიტიკური შეხედულების გამო უკანონოდ აკავებს, ოკუპანტები მადლობას უხდიან “ოცნებას” საქართველოსთვის ომზე პასუხისმგებლობის აკიდების გამო.
ამ დროს ოპოზიცია ოპოზიციას ებრძვის – განსხვავებული პოზიციის გამო. ამასობაში კი ოცნება საქართველოს ეროვნულ ინტერესებს ღალატობს!
ამიტომაც, ახლა მთავარია საქართველოს თითოეული მოქალაქე დავარწმუნოთ, რომ “ოცნება” ჩვენს შვილებს მომავალს ართმევს!”, – წერს გიორგი გახარია.