“შეუძლებელია ამას მშვიდობა უწოდო” – რას აცხადებს არქიმანდრიტი დოროთე ყურაშვილი

როცა ძალაუფლებას იყენებ ხალხის დასაშინებლად, დასაქცევად ეს არ არის ღვთისგან, შეუძლებელია ღვთისგან იყოს და შეუძლებელია ამას მშვიდობა უწოდო, -ამის შესახებ არქიმანდრიტმა დოროთე ყურაშვილმა ქადაგების დროს განაცხადა.

[…] ოდითგანვე ამბობდნენ, რომ კანონები იწერება დამნაშავეთათვის, დღეს კი კანონებს იყენებენ უდანაშაულოებისთვის დამნაშავეები და კანონს კიარ არბილებენ, როცა ადამიანს ეხება, როცა ქალს ეხება – პირიქით, ამძაფრებენ, რაც მოხდა მზია ამაღლობელის შემთხევაში. ყველა იურისტი ამბობს, რომ ეს არ არის სისხლის სამართლის საქმე, კი, დაარტყა, დააშავა, მაგრამ ეს არ არის სისხლის სამართლის დანაშაული – მათ გადაიყვანეს და 2 წელი მიუსაჯეს, 7-ს უსჯიდნენ, როგორი ბოროტებაა ადამიანების მიმართ.
როცა ძალაუფლებას იყენებ ხალხის დასაშინებლად, დასაქცევად ეს არ არის ღვთისგან, შეუძლებელია ღვთისგან იყოს და შეუძლებელია ამას მშვიდობა უწოდო. შეუძლებელია თბილისს მშვიდობის ქალაქი უწოდო – ქუჩაში რას უშვრებიან, ბავშვებს გოგოებს, გამრავლდნენ დგებუაძეები, ოცნების აქტივისტები გოგოებს სახეში აფურთხებენ.
ღმერთმა უშველოს ჩვენს ერს. მადლობა ყველას, მადლობა იმ გამბედავ ერს, გამბედავ გოგოებს, გაბედულ ბიჭებს, პატიმრებს.” – თქვა არქიმანდრიტმა დოროთე ყურაშვილმა.