ამ წუთებში, თბილისის საქალაქო სასამართლოში 11 პირის დასკვნიტი პროცესი მიმდინარეობს.
პროცესზე პატიმარმა ანდრო ჭიჭინაძემ აბოლოო სიტყვით ისარგებლა და თქვა:
“ახლა რასაც ვიტყვი არ მქონდა დაგეგმილი და გუშინდელმა გადაწყვეტილებამ გავლენა იქონია. მე მაინტერესებს, თუ იმ ადამიანებს არ დაუმტკიცდათ რომ ორგანიზება ყოფილა, ამდენი ხანი ციხეში რა გვინდოდა? ვერანაირ ლოგიკაში ვერ ჯდება, მაგრამ ნუ კაი…
მინდა მივმართო როგორც პროკურორებს, ასევე თქვენ. ეს მხოლოდ და მხოლოდ ჩემი აზრია და ჩემი სახელით ვსაუბრობ:
მე შემიძლია გითხრათ, რომ ჩემი მხრიდან გპატიობთ ყველაფერს, რასაც ჩემთან მიმართებაში აკეთებდით. დიდი ალბათობით ბიჭებს სულ სხვა აზრი ექნებათ, რაც გასაკვირი სულაც არ იქნება. ამ პატიებას მოსდევს თხოვნა – პროკურორებო, თქვენ ამ ხნის მანძილზე ძალიან ცუდი საქმეები აიღეთ, მესმის რომ იარაღი ხართ და არანაირ გადაწყვეტილებას არ იღებთ. ბევრი რომ არ გავაგრძელო, ნუღარ აიღებთ ისეთ საქმეებს, სადაც ასეთი ადამიანების ციხეში გაშვება იქნება მიზანი. ბატონო მოსამართლევ, თქვენც გეხებათ ეს. ჩემი აღქმების ბრალია ალბათ, მაგრამ დიდად მგონი არ გსიამოვნებთ, რასაც აკეთებთ… შემიძლია გავიხსენო შემოგდებული კანონის უკან გაწვება, რომელმაც გამარჯვების და სწორი პოლიტიკის იმიტაცია გააჩნა და გაჩნდა აზრი, რომ ხალხის აზრი შეიძლება გათვალისწინებული ყოფილიყო, მაგრამ ვნახეთ, როგორ განვითარდა მოვლენები… როცა ხალხი ერთიანდება, ეს საქართველოს დამოუკიდებლობა იქნება, 13 ივნისის ტრაგედია თუ ჩემპიონატი, ან. სამოქალაქო ომი იწყება ან ხდება ისეთი რამე რაც საზოგადოებას ხელოვნურად ჰყოფს, ეს რუსული ტაქტიაა, ბადალი არ ჰყავტ. ასეთი იყო სწორედ 28 ნოემბერი, პრემიერმა შეაჩერა ინტეგრაცია და ჰქონდა რეაქცია.. ჩვენ ვართ ევროპული კულტურის ნაწილი, კი ბატონო გავლენა ჩვენი გეოპოლიტიკის გამო არსებობს უამრავი კულტურის და თუ ჩვენ ვამაყობთ ვეფხისტყაოსნით, ვამაყობთ ჩვენი დიდი ხნის ფასეულობებით, რომლებიც წმინდა ევროპულია და გვინდა ისნტიტუციების დონეზე გაიმართოს, რაც საბოლოოს ქვეყანას მიიყვანს განვითარებაზე, ეკონომიკურად და ინსტიტუციურად, სადაც ადამიანის უფლებებზე და კანონის უზენაესობაზე იქნება დაშენებული..” – თქვა ანდრო ჭიჭინაძემ.