თბილისის მერიის ინიციატივით, 18-იდან 30 წლამდე ახალგაზრდები 2025 წლის შემოდგომიდან ახალი ევროპული ბარათებით ისარგებლებენ. მათივე თქმით, ბარათი ევროპის 40 ქვეყანაში წარმატებით მოქმედებს და 9.3 მილიონზე მეტ ახალგაზრდას აერთიანებს.
ბარათის პრეზენტაცია თბილისში კახა კალაძემ გამართა, ხოლო თანამშრომლობის მემორანდუმს ხელი მოაწერეს თბილისის მერმა და „საქართველოს ბანკის“ გენერალურმა დირექტორმა არჩილ გაჩეჩილაძემ.
ევროპული ახალგაზრდული ბარათი 25 000-ზე მეტ ფასდაკლებას მოიცავს და მფლობელს შეუძლია არა მარტო კულტურული აქტივობებით სარგბელობა, არამედ ბარათის სხვადასხვა სფეროში გამოყენებაც – ტრანსპორტი, კვება, დასვენება, ტურიზმი, ტექნიკა, განათლება და სხვა.
როგორ იმუშავებს ბარათი?
▪️ ბარათი იქნება ციფრული ფორმითაც – ინტეგრირებული საბანკო ბარათებთან
▪️ მოქმედებს როგორც საქართველოში, ისე უცხოეთში
▪️ უცხოელი ახალგაზრდები შეძლებენ ამ ბარათით საქართველოშიც ისარგებლონ
▪️ ბარათის გაცემას უზრუნველყოფს თბილისის მუნიციპალიტეტის სპორტისა და ახალგაზრდობის ცენტრი
▪️ ბარათის მიღება შესაძლებელი იქნება 2025 წლის შემოდგომიდან
ბარათი იმართება ევროპული ახალგაზრდული ბარათის ასოციაციის მიერ – ბრიუსელში, რომელიც ევროკავშირთან და ევროპის საბჭოსთან თანამშრომლობს.