“საქართველოს პატრიოტთა ალიანსის“ ლიდერის ირმა ინაშვილის ძმა, ჟურნალისტი კოტე ინაშვილი გარდაიცვალა. გავრცელებული ინფორმაციის თანახმად, ინაშვილი ავტოავარიას ემსხვერპლა. ის ავტომობილში მარტო იმყოფებოდა.
სამწუხარო ინფორმაციას საქართველოს პარლამენტის ყოფილი დეპუტატი, ხათუნა ხოფერია სოციალურ ქსელში ეხმაურება და ირმა ინაშვილს მიმართავს:
“ირმა ინაშვილი, სამეგრელოში ასე ამბობენ – და რომ ძმას იტირებს, იმ ადგილზე ბალახი აღარ ამოდისო. როგორ მინდა ეს სიმწარე გაგინელო… ეს ჭრილობა დაგიამო…
ვისაც არ უნახავს, როგორი სიყვარულით და ნდობით გიყურებდა ხოლმე კოტე, ის ვერ მიხვდება თქვენი და-ძმობის სიძლიერეს…
ძალიან მიყვარხარ. მინდა გამაგრდე, უფრო გაძლიერდე! ახლა, ასეთი სჭირდები კოტეს ხსოვნას და მისი სიცოცხლის გაგრძელებას!”, – მიმართავს ხათუნა ხოფერია ირმა ინაშვილს.
https://mix.metronome.ge/24164-2/