დღეს მოსამართლე ჯვებე ნაჭყებიამ ანტონ ჩეჩინს 8 წლითა და 6 თვით პატიმრობა მიუსაჯა. ჩეჩინის ადვოკატი თამთა მიქელაძე სოციალურ ქსელში განცხადებას აქვეყნებს და წერს, რომ ამ საქმის უკან შეიძლება რუსეთის ინტერესი და მოთხოვნაც იდგეს.
“უმძიმესია განაჩენი ანტონ ჩეჩინის საქმეზე.
თავადაც თქვა ანტონმა, რომ ამ საქმის უკან შეიძლება რუსეთის ინტერესი და მოთხოვნაც იდგეს.
იმედია, რომ მას და მის პარტნიორს რუსეთში ექსტრადიციას არ გაუკეთებენ. ამაზე ცალკე საბრძოლო გვექნება.
შეგახსენებთ, რომ 2017 წლიდან 2022 წლის ივლისის თვემდე რუსეთის ფედერაციამ მათი მოქალაქეების საქართველოდან ექსტრადიციის შუამდგომლობით საქართველოს 33-ჯერ მომართა, 29 შემთხვევაში ანუ 90 %-ში საქართველომ მოთხოვნა დააკმაყოფილა.
მაგალითისთვის, საქართველოდან რუსეთში 2018 წელს 4 პირის; 2019 წელს – 12-ის; 2020 წელს 9 პირის; 2021 წელს კი – 4-ის ექსტრადირება მოხდა,
2022 წლის შემდეგ იუსტიციის სამინისტრო მონაცემებს არ გვაძლევს და დინამიკა როგორია, არ ვიცით.
რუსეთთან ქართული ოცნების თანამშრომლობის ერთ-ერთი ღია პატერნი სისხლის სამართლის სფეროში თანამშრომლობაში ჩანს” – წერს ადვოკატი თამთა მიქელაძე სოციალურ ქსელში.