რა ბედნიერებაა რომ ეს ქვეყნის წურბელა აღარ მართავს ჩვენს ქვეყანას, – ასე ეხმაურება მსახიობი ნანა ლორთქიფანიძე გუშინ, 2 დეკემბერს, თბილისის საქალაქო სასამართლოში, მიხეილ სააკაშვილის სიტყვით გამოსვლას, სადაც სახელმწიფოს კუთვნილი ქონების გაფლანგვის საქმეს განიხილავდნენ, რაზეც ექს-პრეზიდენტია ბრალდებული.
“არ ყოფილა სანდრო გირგვლიანი, არ ყოფილა 7 ნოემბერი, არ ყოფილა 26 მაისი, 15 ივნისი, 6 მაისი.. ციხის კადრები მოგონილია, არავინ უწამებიათ, არავისთვის შეულახავთ ღირსება, ვალერი გელაშვილი ქუჩის ხულიგნებს მოუკლავთ ცემით, არავინ ჩაურეცხავთ. უამრავი სამუშაო ადგილი არსებობდა, მაგრამ 2012 -ში უცებ გაქრა. 2008 წლის ომში გავიმარჯვეთ!!! არ გაყიდულა სტრატეგიული ობიექტები! არ გაყიდულა საქართველოს ტერიტორიები! უბრალოდ ჩვენ გავგიჟდით და ვიდექით ქუჩაში და არ ვიცით 9 წელიწადი რას ვაპროტესტებდით! ხო მართლა, არც 137 ახალგაზრდა არ დაუხვრიტავთ ქუჩაში, არც ციხეში არ კლავდნენ წელიწადში 150 კაცს! კასტილიანი ავადმყოფიც დაგვესიზმრა.!!! მერე რა, თუ 26 მაისს ხელ-ფეხ შეკრული ნიკუშა ჯიხურის თავზე ახტა და იქ “დენმა დაარტყა”, სამაგიეროდ ვზრუნავდით, რომ ჩვენს პრეზიდენტს ლიპოსაქცია, ბოტოქსი, გასახდომი პროცედურები, მასაჟები, ნიჭიერი შვილების სწავლის დაფინანსება და მეგობრებთან ერთად მსოფლიოს სხვადასხვა კურორტებზე გულაობა არ მოკლებოდა, დიახ, ჩვენ ვზრუნავდით ამ ყველაფერზე, ჩვენი ფულით ვუქმნიდით ამ ფუფუნებას და ეს ყველაფერი ძალიან მოგვენატრა??? არა ბატონო, არ მოგვენატრა! ვუყურებ სასამართლო პროცესს და ვფიქრობ, რა ბედნიერებაა რომ ეს ქვეყნის წურბელა აღარ მართავს ჩვენს ქვეყანას”, – წერს ლორთქიფანიძე სოციალურ ქსელში.
https://mix.metronome.ge/24152-2/