კიევში, სვიატოშინსკის რაიონში მდებარე სკვერს „ქართული ლეგიონის“ სახელი დაერქმევა.
უკრაინული მედია წერს, რომ საკითხზე საჯარო განხილვა ჯერ ციფრულ სივრცეში იყო, შედეგების მიხედვით სკვერისთვის „ქართული ლეგიონის“ სახელის დარქმევას მხარი 33 585 ადამიანმა დაუჭირა, რაც გამოკითხულთა 79%-ს შეადგენს. ამის შემდეგ კი გადაწყვეტილება კიევის საქალაქო საბჭოს დეპუტატებმა დაამტკიცეს. მოედანი ვახტანგ კიკაბიძის ქუჩაზე, მე-9 კორპუსის მიმდებარედ მდებარეობს.
“ეს მადლიერების სიმბოლოა იმ მოხალისეების მიმართ, რომლებიც 2014 წლიდან უკრაინის დამცველებთან ერთად იბრძვიან“ – წერს უკრაინული მედია.