სატრანსპორტო დერეფნის კვლევის ცენტრის ევრაზიის გლობალურ სატრანსპორტო ქსელებში საქართველოს საინვესტიციო მიმზიდველობის შეფასების მიხედვით, ევროპისა და აზიის სატრანსპორტო კარკასში 13 სახელმწიფოს შორის საქართველოს საინვესტიციო წილი დაბალია და 2.6 მლრდ დოლარს შეადგენს. ინფორმაციას ამის შესხებ bm.ge ავრცელებს.
კვლევის შედეგების პირველი ნაწილი TCRC-მ გამოაქვეყნა. ორგანიზაციაში აღნიშნავენ, რომ კვლევაში საინვესტიციო მიმზიდველობის თვალთახედვით წარმოდგენილი და შეფასებულია, ევრაზიის ერთიან სატრანსპორტო ქსელში საქართველოს როლი და ადგილი.
“სატრანსპორტო ინფრასტრუქტურული პროექტების ერთობლიობა ქმნის ერთიანი ევრაზიის სატრანსპორტო ქსელს, მას სხვანაირად ევრაზიის სატრანსპორტო კარკასსაც უწოდებენ.
წარმოდგენილი კვლევის მიზანია, წარმოვაჩინოთ თუ რა სახის სატრანსპორტო ინფრასტრუქტურული პროექტები ხორციელდება ევრაზიის სივრცეში, როგორია მათი საინვესტიციო მოცულობა და რაც ყველაზე მნიშვნელოვანია, რადგანაც საქართველოზე გამავალი შუა დერეფანი, ტვირთნაკადების გენერირების თვალსაზრისით მჭიდროდაა დაკავშირებული ცენტრალური აზიის ქვეყნებთან, აქცენტირებულად გვინდა გამოვყოთ ამ ქვეყნებში მიმდინარე ინფრასტრუქტურული პროექტები და მათი საინვესტიციო ტევადობა”, – განმარტავენ სატრანსპორტო დერეფნის კვლევის ცენტრში.
უფრო ვრცელი ინფორმაციისთვის გადადით გვერდზე და გაიგეთ მეტი.