სატრანსპორტო დერეფნის კვლევის ცენტრი განცხადებას ავრცელებს და წერს, რომ რუსული საფრთხის ფონზე სამხედრო მობილობის გასაზრდელად ევროკავშირი „რკინის რაინის“ სარკინიგზო მაგისტრალის აღდგენას აანონსებს.
“რუსეთის მხრიდან შესაძლო სამხედრო საფრთხის გათვალისწინებით, ევროკავშირმა „რკინის რაინის“ Iron Rhine სახელით ცნობილი სარკინიგზო მაგისტრალის აღდგენა დაანონსა.
ევროკავშირის განცხადებით რუსეთის მხრიდან სამხედრო საფრთხის ფონზე მე 19 საუკუნეში აშენებულმა სარკინიგზო ხაზმა სტრატეგიული მნიშვნელობა დაიბრუნა.
„რკინის რაინის“ სარკინიგზო მაგისტრალი მეორე მსოფლიო ომის დროს მოკავშირეთა დესანტირების დროს გამოიყენებოდა, რომელიც ბელგიის ნავსადგურებს გერმანიის ცენტრალურ რურის რეგიონთან აკავშირებდა.
მოგვიანებით ევროპაში 60 წლიანი მშვიდობის პერიოდში სარკინიგზო მაგისტრალი გამოუყენებელი აღმოჩნდა და სადღეისოდ იგი ჟანგიანი და მცენარეული საფარითაა დაფარული. ცნობისათვის 1991 წლის შემდეგ მაგისტრალი პრაქტიკულად არ გამოიყენებოდა.
მედიიდან გამოჟონილი ინფორმაციის საფუძველზე, ევროპაში რუსული საფრთხის საპასუხოდ სამხედრო მობილობის გასაზრდელად – ბელგიას, ნიდერლანდებსა და გერმანიას შორის „რკინის რაინის“ აღდგენის თაობაზე მოლაპარაკებები ბოლო პერიოდში, სულ უფრო ინტენსიურად მიმდინარეობს.
მოლაპარაკეკების შედეგად გაირკვა, რომ ბელგია დაინტერესებულია რკინიგზის ხაზის აღდგენით ამავდროულად, ნიდერლანდები როტერდამის ნავსადგურის – კომერციული კონკურენციის შეზღუდვის, ხოლო გერმანია – გარემოსდაცვითი პრობლემების გამო, პროექტის განხორციელებას ეწინააღმდეგებიან.
ევროკავშირისა და ნატოსგან შესაძლო დაფინანსება პროექტის განხორციელების იმედს იძლევა. ევროკავშირის ახალი ბიუჯეტი 2027 წლიდან სამხედრო მობილობისთვის 17 მილიარდი ევროს გამოყოფას ითვალისწინებს. თუ ეს თანხები დამტკიცდება, ექსპერტები ვარაუდობენ, რომ ნიდერლანდებიც კი შეცვლის თავის პოზიციას და ხაზის აღდგენას მხარს დაუჭერს.
დასკვნის სახით – სწორედ სამხედრო ფაქტორს შეუძლია დააჩქაროს „რკინის რაინის“ აღდგენის შესახებ გადაწყვეტილების მიღება” – წერია განცხადებაში.