აშშ-ის პრეზიდენტმა დონალდ ტრამპმა ყოფილ ვიცე-პრეზიდენტსა და პრეზიდენტობის ყოფილ კანდიდატს, კამალა ჰარისს, სახელმწიფო დაცვა მოუხსნა, – ამის შესახებ CNN წერს.
ყოფილი პრეზიდენტები საიდუმლო სამსახურის უვადო დაცვით სარგებლობენ. ყოფილი ვიცე-პრეზიდენტის რანგში, ჰარისი დაცვით თანამდებობიდან წასვლიდან ექვსი თვის განმავლობაში კანონით სარგებლობდა. ეს ვადა 21 ივლისს ამოიწურა, თუმცა მისი დაცვა კიდევ ერთი წლით გაგრძელდა აქამდე გამოუქვეყნებელი აღმასრულებელი ბრძანებით, რომელსაც ყოფილმა პრეზიდენტმა ჯო ბაიდენმა თანამდებობიდან წასვლის წინ მოაწერა ხელი, – განუცხადა CNN-ს ინფორმირებულმა წყარომ. ტრამპმა ახლა ეს ბრძანება გააუქმა.
“გეძლევათ უფლებამოსილება, 1-ელი სექტემბრიდან შეწყვიტოთ კანონით გათვალისწინებული პროცედურების გარდა უსაფრთხოებასთან დაკავშირებული ყველა პროცედურა, რომელზე უფლებამოსილებაც აქამდე აღმასრულებელი მემორანდუმით იყო მონიჭებული, შემდეგი პირის მიმართ: ყოფილი ვიცეპრეზიდენტი კამალა დ. ჰარისი.” – წერია ტრამპის წერილში.