ლევან ხაბეიშვილი თორნიკე რიჟვაძის საქმის აღძვრიდან 50 დღის შემდეგ კოკრეტულ პასუხებს ითხოვს და საგამოძიებო სტრუქტურას უყურადღებობასა და საქმისაქდმი გულგრილობაში ადანაშაულებს.
„50 დღეზე მეტი გავიდა თორნიკე რიჟვაძის მკვლელობის მცდელობიდან. არსებობს უმნიშვნელოვანესი კითხვები, რაზეც პასუხები ამ დრომდე არ არსებობს. 50 დღეში არავის წარმოუდგენია ექსპერტიზის დასკვნა – თორნიკე რიჟვაძემ თავად ისროლა, ესროლეს, თუ მაგალითად ზურგიდან ესროლეს. მკვლელობის მცდელობის დღეს ვინ იყო თორნიკე რიჟვაძესთან ერთად სახლში საგარეჯოში – იყო თუ არა მამუკა მდინარაძე და გეკა გელაძე, შს მინისტრად წოდებული, იმ დღეს იმ სახლში“ — ნათქვამია ლევან ხაბეიშვილის მიერ გაკეთებულ განცხადებაში.