აქციების დროს დაკავებული თორნიკე თოშხუა ციხეში 12 დღეა შიმშილობს.
თოშხუა ციხიდან წერილს ავრცელებს და როგორც წერილიდან ირკვევა, ის მხოლოდ წყალს სხვამს.
თოშხუას და კიდევ ერთ დაკავებულს, მინდია შერვაშიძეს ბრალდების მხარე ბექა გოცირიძეზე თავდასხმას ედავება. გოცირიძე, აქტივისტების თქმით, “ქართული ოცნების” მხარდამჭერია და პარლამენტთან პროვოკაციას აწყობდა.
აქტივისტების წინააღმდეგ გამოძიება სისხლის სამართლის კოდექსის 126-ე მუხლის პირველი პრიმა ნაწილის “ბ” ქვეპუნქტით მიმდინარეობს, რაც ჯგუფურად ჩადენილ ძალადობას გულისხმობს. დანაშაული 2 წლამდე ვადით პატიმრობას ითვალისწინებს.