დიმიტრი მედვედევმა, საქართველოს ოკუპირებული ტერიტორიების ე.წ. მმართველებს, მოსკოვის მიერ მათი ე.წ. დამოუკიდებლობის აღიარება მიულოცა, – ინფორმაციას და ტექსტს რუსული მედია ავრცელებს.
“მედვედევმა აფხაზეთისა და სამხრეთ ოსეთის პრეზიდენტებს დამოუკიდებლობის აღიარების მე-17 წლისთავი მიულოცა, გამოხატა ჩვენს ქვეყნებს შორის მომავალში კეთილმეზობლური, სამოკავშირეო ურთიერთობის გაგრძელების იმედი, რათა რათა უზრუნველყოფილი იყოს უსაფრთხოება და სტაბილურობა ამიერკავკასიაში” – ნათქვამია მედვედევის ოფისის განცხადებაში.
მედვედევის თქმით, ე.წ. სამხრეთ ოსეთის ხალხმა “სიმამაცე” გამოიჩინა და “დაიცვა დამოუკიდებლობა და სუვერენიტეტი”. მისივე თქმით, ამის შედეგად “აღდგა ისტორიული სამართლიანობა”.