შვედეთის ინსტიტუტის ახალგაზრდა პროფესიონალების აკადემია (SAYP), რომლის სასწავლო პროგრამის მიზანიც ევროკავშირის აღმოსავლეთ პარტნიორობის ქვეყნებიდან ახალგაზრდა პროფესიონალების გაძლიერებაა, საქართველოს საჯარო მოხელეებს შეზღუდვას უწესებს.
ზოგადად პროგრამა განკუთვნილია იმ პირებისთვის, რომლებიც წარმოადგენენ შემდეგ ჯგუფებს:
- პოლიტიკის შემქმნელები (პოლიტიკოსები, მთავრობის წარმომადგენლები, პოლიტიკური პარტიების თანამშრომლები),
- საჯარო მოხელეები (საჯარო ორგანიზაციებში მომუშავე არაპოლიტიკური საჯარო მოხელეები),
- სამოქალაქო საზოგადოების მუშაკები (სამოქალაქო ორგანიზაციების/არასამთავრობო ორგანიზაციების თანამშრომლები)
- კერძო სექტორის ლიდერები.
თუმცა საქართველოს, ბელორუსის და აზერბაიჯანის შემთხვევაში მოქმედებს შეზღუდვა და აღნიშნულია, რომ ამ სამი ქვეყნიდან მხოლოდ სამოქალაქო საზოგადოების წარმომადგენლებს შეუძლიათ პროგრამაში მონაწილეობის მიღება.