ანრი ოხანაშვილის თანამდებობიდან წასვლის შესახებ ცოტა ხნის წინ გახდა ცნობილი. განცხადების გავრცელებიდან მალევე, ირაკლი კობახიძემ აღნიშნულ პოსტზე მამუკა მდინარაძე წარადგინა. თავად ოხანაშვილი კი უსაფრთხოების საკითხებში კობახიძის მრჩევლის პოზიციაზე იქნება
ამ საკითხთან დაკავშირებით განცხადებას ლევან ხაბეიშვილი ავრცელებს და “ტვ პირველის” ეთერში ამბობს, რომ ბიძინა ივანიშილის გუნდი ჩამოშლილია.
“რასაც ვსაუბრობდი, არანაირი გუნდი არ არსებობს, ჩამოშლილია ივანიშვილის ბანდფორმირება. ერთმანეთის დაწყვეტაზე არიან, ცემა-ტყეპაზე, სროლაზე, გარჩევაზე, თანამდებობებს ვერ ინაწილებენ. ოხანაშვილის თემა ძალიან ბევრ რამეს უკავშირდება, მისი გადადგომა ბევრ რამეს უკავშირდება, ვერცერთი საქმე ნორმალურად ვერ გააკეთა. მართლა სასაცილო ფიგურაა სამსახურში. მდინარაძესაც გაექცა საქმე, ხან კრიმინალები ჩააბარეს და ხან ფულის ამოღება და ვერცერთი საქმე ვერ შეასრულა. ახლა კონკრეტულ ერთ სამსახურს მიუჩენენ, ეტყვიან, შენ ახლა აქ დაჯექი და შეასრულე ბინძური დავალებები, ამიტომ ახლა უნდა გვესმოდეს, რომ აღარ დგას ივანიშვილი აღარაფერზე, გუნდი არ ჰყავს. ორი თვის წინ კაცი მოიყვანეს, სუსის უფროსი დაარქვეს და დღეს გააპანღურეს. ესე დამამცირებლად 2 თვეში ადამიანს “ზბორებზე” უშვებდე, რა ვიცი უცნაურია. მდინარაძესაც ცოტა დრო ექნება, მაქსიმუმ 4 ოქტომბრამდე ალბათ” – განაცხადა ხაბეიშვილმა.