ბულგარეთში მიმდინარე 20-წლამდელთა მსოფლიო ჩემპიონატზე ვახტანგ ლოლუა (60 კგ) ბრინჯაოს მედლის მფლობელი გახდა – ქართველმა ფალავანმა მესამე ადგილისთვის დაპირისპირებაში თურქი ომერ ალტაში 9:0 დაამარცხა და საქართველოს 20-წლამდელთა ნაკრებს ტურნირზე პირველი მედალი მოუტანა.
22 აგვისტოს ბერძნულ-რომაული სტილით ჭიდაობაში მსოფლიოს პირველობაზე კობა ქარუმიძე (55 კგ), ანრი ხოზრევანიძე (67 კგ), ალექსანდრე რუსიტაშვილი (72 კგ) და გორ აივაზიანი (97 კგ) გამოვიდნენ, მაგრამ ნახევარფინალში გასვლა ვერ შეძლეს.