ცნობილია ბორჯომში ავარიის შედეგად გარდაცვლილების ვინაობა – მათგან ერთ-ერთი ზურაბ გელაშვილია, “ტორპედოს” ყოფილი ფეხბურთელი. ამის შესახებ საფეხბურთო კლუბი “ტორპედო” ოფიციალურ გვერდზე წერს.
“ბორჯომში მომხდარ ავტოკატასტროფას ჩვენი კლუბის ყოფილი ფეხბურთელი ზურაბ გელაშვილი ემსხვერპლა.
ღრმა მწუხარებას გამოვთქვამთ ზურას გარდაცვალების გამო. თანავუგრძნობთ ოჯახსა და მეგობრებს”, – ნათქვამია კლუბის გავრცელებულ განცხადებაში.
ავარიას ასევე ემსხვერპლა ედი მარკოსიანი.
შეგახსენებთ, 22 აგვისტოს, დაახლოებით 01:00 საათზე ბორჯომის შესასვლელთან ავარია მოხდა. ერთმანეთს ტოიოტას მარკის ავტომობილი და ტრაილერი შეეჯახა, შემთხვევის შედეგად ორი პირი გარდაიცვალა, სამი კი დაშავდა.