“ნაომარი ქალაქი რუსული მმართველობის წინააღმდეგ” -გორის საკრებულოს წინ, სამოქალაქო აქტივისტები, პოლიტიკოსები და გმირების ოჯახების წევრები იკრიბებიან.
ისინი მიიჩნევენ, რომ რაზმაძის განცხადება მოღალატეობრივი და სამარცხვინოა და ამის გამო, მოითხოვენ, მან საკრებულოს თავმჯდომარის თანამდებობა დატოვოს.
შეკრებილებს მიტანილი აქვთ ბანერები წარწერებით- “მე იმ კაცის დედა მოვტ###ან, ვინც პირველად რუსი აქო“, “ანწუხელიძემ რომ შეგინახათ, ის ღირსება სად წაიღეთ“.
რაზმაძის მხრიდან, არანაკლებ ძიმე იყო ის განცხადება, როცა თამაზ გინტურის მკვლელობას გამოეხმაურა და თქვა, რომ ქართველები ერთგვარ პროვოკაციას აწყობენ, როდესაც ნასვამ მდგომარეობაში ე.წ. საზღვარზე გადადიან და რუს ე.წ. სამშვიდობოებს სხვა არაფერი რჩებათ, რომ არ აღკვეთონ ქართველების ეს ქმედებები. ეს მაშინ იყო ძალიან მძიმე განცხადება და რადგან ხალხმა ეს გაუტარა, როგორც ჩანს, მიეჩვივნენ, რომ ასე შემოგვაპარონ, თავიანთი პრორუსული მმართველობა და ამის შემდეგ უკვე გვახსოვს ბიძინა ივანიშვილის მიერ გაკეთებული განცხადება, გორის ცენტრში, სადაც მან საზოგადოებას მოუწოდა, რომ ბოდიში მოეხადათ ოკუპანტებისთვის, ესეც გავატარეთ და საბოლოოდ მივიღეთ გუშინდელი განცხადება. ვფიქრობ, დღეს მაინც უნდა გასცეს საზოგადოებამ საკადრისი პასუხი ამაზე, რადგან თვითონ ვერ აიღო პასუხისმგებლობა, აღნიშნული განცადების შემდეგ, გადამდგარიყო პოსტიდან, საზოგადოებამ ერთხმად უნდა მოითხოვოს მისი წასვლა. ჩვენ ვიცით, რომ ამ მოედანზე, რუსები საქართველოს მოქალაქეებს ხოცავდნენ, ამ მოედანზე მოხდა ჰოლანდიელი ჟურნალისტის მკვლელობაც და სწორედ ამ მოედნიდან უნდა ვუთხრათ, რომ გადადგეს, – ამბობს მაკა კოჭლამაზაშვილი.
გორის საკრებულოში ფრაქცია „ნაციონალური მოძრაობის“ ინფორმაციით, გორის საკრებულოს თავმჯდომარის, დავით რაზმაძის იმპიჩმენტის სამართლებრივ პროცედურებს იწყებენ. მიზეზი მის მიერ გამოცემა The New York Times-თან ინტერვიუში გაკეთებული განცხადებებია.
სკანდალში გახვეული გორის საკრებულოს თავმჯდომარე თავის მართლების რეჟიმშია და ამტკიცებს, რომ “ნიუ იორკ თაიმსმა” მისი ინტერვიუ გააყალბა.