“მოსკოვში მოლაპარაკებები არ შეიძლება” – სად უნდა გაიმართოს ზელენსკი-პუტინის შეხვედრა?

უკრაინის პრეზიდენტმა, ვოლოდიმირ ზელენსკიმ პუტინთან შეხვედრის ადგილზე მედიასთან ისაუბრა და განაცხადა, რომ შეხვედრა მოსკოვში არ უნდა გაიმართოს.
მისი თქმით, სამართლიანი იქნებოდა, შეხვედრის ადგილად ევროპის რომელიმე ნეიტრალური ქვეყანა შერჩეულიყო და დაამატა, რომ ამას ევროპელებმაც გაუსვეს ხაზი.

„რაც შეეხება შეხვედრის ადგილს, ჩვენ მიგვაჩნია და ამას ევროპელებმაც გაუსვეს ხაზი, რომ სამიტი ნეიტრალურ ევროპაში უნდა გაიმართოს, რადგან ომი უკრაინის ტერიტორიაზე და ევროპის კონტინენტზეა. ჩვენ შვეიცარიასა და ავსტრიას ვეთანხმებით. თურქეთი? ჩვენ ამის წინააღმდეგი არ ვართ, რადგან თურქეთი ნატო-ს წევრია და ევროპის ნაწილია“, – განაცხადა უკრაინის პრეზიდენტმა.