საქართველოს ყოფილი პრეზიდენტის სასამართლო პროცესზე სიტყვით გამოსვლას მწერალი ირაკლი კაკაბაძე სოციალურ ქსელში ეხმაურება და მიხეილ სააკაშვილს მიმართავს:
“მიშა, ილაპარაკე იმაზე რატომ დაარბიე ‘იმედი’ და რატომ აწამე ადამიანები! დაანებე ამ ტრაბახს თავი!
სააკაშვილი არის ქართველი მილოშევიჩი. ის უნდა გასამართლდეს უამრავი ძალადობისთვის”, – წერს კაკაბაძე “ფეისბუქის” პირად გვერდზე. აღნიშნული პოსტის კომენტარებში კი მწერალი, სოციალური ქსელის მომხმარებელთა საპასუხოდ წერს:
“რეებს ბოდავს! ტიპმა ათასობით ადამიანი დახოცა და ტრაბახობს ამით.”
ეს არის გრუ-ს ლეიტანანტი აფერისტი და მკვლელი. ამდენი ლაპარაკის უფლებას რომ აძლევენ ეს ქოცები – ეს უბედურებაა! ხალხი გადაირევა ბოლოს და ბოლოს!”
სამაგალითო უნდა იყოს სასჯელი. ის არის თავის მასწავლებელ შევრდნაძესთან ერთად ნეოლიბერალური ავორიტარიზმის დამამკვდრებელი, რომელმაც შეიწირა ათასობით ადამიანი და გააუბედურა ასობით ათასი ადამიანი პატარა საქართველოში. ახლა პოლიტიკურ განცხადებას აკეთებს და თანაც უკრანულ ენაზეც”
“ბევრად უკეთეს პირობებშია, ვიდრე ჩვენ ვიყავით. მაგაზე არ ლაპარაკობს. ბუტაზე, ჟვანიაზე, სანდროზე, ვაზაგაშვილზე, თეთრაძეზე, და ათასობით მოკლულ და ნაწამებზე არაფერს ამბობს. თავს იქებს სულ და თავის ოჯახს აქებს – თფუი შენი! არც ერთი სტყვა მონანიება”
დღეს, 29 ნოემბერს, საქართველოს ექს-პრეზიდენტი მიხეილ სააკაშვილი სასამართლოს წინაშე დღეს პირველად წარდგა. სასამართლო კოლეგიის გადაწყვეტილებით, სხდომა მედიისთვის ღია იყო. თავდაპირველად, დაცვის მხარემ მოსამართლეთა კოლეგიას შუამდგომლობით მიმართა, რომ საქმის რეზონანსულობიდან და საზოგადოების დიდი ინტერესიდან გამომდინარე მომხდარიყო სასამართლო პროცესის ტრანსლირება. მოსამართლეთა კოლეგიამ აღნიშნული შუამდგომლობა დააკმაყოფილა.
სასამართლო პრცესს სამი მოსამართლე უძღვება. კერძოდ, მაია ქოქიაშვილი, ნინო ელიაშვილი და ლიანა ორკოდაშვილი, რომლებიც საბოლოო გადაწყვეტილებას ერთობლივად მიიღებენ.
პროცესს ბრალდებული მიხეილ სააკაშვილი დაესწრო.
საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს.
მიხეილ სააკაშვილი სამი ინსტანციის სასამართლოს განაჩენით, დამნაშავედ არის ცნობილი ვალერი გელაშვილის ცემისა და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა ექვსი წლის ვადით. ასევე, მიხეილ სააკაშვილი ბრალდებულია ტელეკომპანია „იმედის“ დარბევის, 7 ნოემბრის დარბევისა და პატარკაციშვილების ქონების უკანონოდ დაუფლებისა და სახელმწიფო დაცვის სპეციალური სამსახურის კუთვნილი 9 024 367 ლარის პირადი მიზნებისთვის გაფლანგვის ფაქტებზე.
https://mix.metronome.ge/23987-2/