„სანამ მე აქ ვდგავარ და ვტკბები ამ მომენტით, ჩემი მეგობრები და კოლეგები თბილისის ქუჩებში საქართველოს ევროპული გზის შეჩერებას აპროტესტებენ” – განაცხადა ლოკარნოს კინოფესტივალზე მსახიობმა ლევან გელბახიანმა, ოქროს ლეოპარდის მოგების შემდეგ.
” უკვე 260 დღეზე მეტია. ახალგაზრდები, როგორიც მე ვარ, საკუთარ სიცოცხლეს რისკავენ უკეთესი მომავლისთვის. ისეთები, როგორიცაა ჩვენი კოლეგა ანდრო ჭიჭინაძე, უკვე 8 თვეა უკანონო პატიმრობაშია 65-ზე მეტ პოლიტპატიმართან, გისოსებს მიღმა უდანაშაულო ადამიანებთან, სხვადასხვა სოციალური ფენის წარმომადგენლებთან ერთად.
სამწუხაროდ, ჩვენ მთელ მსოფლიოში ავტორიტარიზმის ქარიშხლებში ვცხოვრობთ. სიძულვილი, დაყოფა და დეჰუმანიზაცია მსოფლიოს ყველა კუთხეშია. და ჩვენ, როგორც ხელოვანებს, მწამს, რომ გვაკისრია პასუხისმგებლობა და მოვალეობა, რომ ვისაუბროთ, წინააღმდეგობა გავუწიოთ და გამოვიდეთ სიტყვებით – „თავისუფლება პალესტინას!“, „დიდება უკრაინას“, „გაუმარჯოს დამოუკიდებელ საქართველოს!“ — თქვა ლევან გელბახიანმა
შეგახსენებთ, ლოკარნოს კინოფესტივალზე, ლევან გელბახიანმა ფილმში „Don’t Let the Sun” საუკეთესო შესრულებისთვის ოქროს ლეოპარდი მოიგო