ზუგდიდში მომხდარი სასტიკი დანაშაულის შესახებ ახალი დეტალები ხდება ცნობილი.
42 წლის ნათია აფხაზავას მკვლელობისთვის, 34 წლის ნათია ხაჩატურიანი დააკავეს.
როგორც ადგილობრივები ჰყვებიან, მოკლული ქალი, მკვლელობაში ბრალდებულის მეუღლის ნათესავი იყო. ქალები ერთმანეთთან მეგობრობდნენ კიდეც.
რაც შეეხება მოკლულ ნათია აფხაზავას, იგი 2 დღეში გერმანიაში ბრუნდებოდა, სადაც ქმართან და 2 შვილთან ცხოვრობდა.
„შტუდგარტთან ახლოს, გარეუბანში, იქ საკუთარი 3 სართულიანი სახლი აქვს, თავისიანები ყველა თან წაიყვანა და ცხოვრება აუწყო. ყველანი კარგად მოაწყო ნათიამ”,- გვიყვება წყარო.
მომხდარ მკვლელობაზე შსს-მ გამოძიება დაიწყო.