საქართველოს პროკურატურა განცხადებას ავრცელებს და წერს, რომ ჯგუფურად ჩადენილი განსაკუთრებით დიდი ოდენობით ნარკოტიკული საშუალების უკანონო შეძენა, შენახვისა და უკანონო რეალიზაციის ხელშეწყობის ფაქტებზე, უცხო ქვეყნის ორ მოქალაქეს ბრალდება წარედგინა.
შსს-ის მიერ ჩატარებული საგამოძიებო ღონისძიებების შედეგად დადგინდა, რომ ბრალდებულებმა უკანონოდ შეიძინეს და შეინახეს განსაკუთრებით დიდი ოდენობით 11,70235 გრ. ნარკოტიკული საშუალება „მეთადონი“ და მისი რეალიზაციის ხელშეწყობის მიზნით სხვადასხვა ადგილას ანთავსებდნენ.
“საქართველოს პროკურატურამ ჯგუფურად ჩადენილი განსაკუთრებით დიდი ოდენობით ნარკოტიკული საშუალების უკანონო შეძენა, შენახვისა და უკანონო რეალიზაციის ხელშეწყობის ფაქტებზე, უცხო ქვეყნის ორ მოქალაქეს ბრალდება წარუდგინა.
შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა უკანონოდ შეიძინეს და შეინახეს განსაკუთრებით დიდი ოდენობით 11,70235 გრ. ნარკოტიკული საშუალება „მეთადონი“ და უკანონო რეალიზაციის ხელშეწყობის მიზნით აღნიშნული ნარკოტიკული ნივთიერებების დაფასოებას, შემდგომში კი ლოკაციებზე განთავსებას ახდენდნენ.
გატარებული ღონისძიებების შედეგად, სამართადამცველებმა თბილისში სხვადასხვა ლოკაციიდან, ასევე ბრალდებულების საცხოვრებელი ბინისა და პირადი ჩხრეკისას 29 შეკვრად დაფასოებული ნარკოტიკული საშუალება ,,მეთადონი“ ამოიღეს.
დაკავებულებს ბრალდება საქართველოს სისხლის სამართლის კოდექსის 260-ე მუხლის მე-2 ნაწილის ,,ბ“ და მე-3 ნაწილის ,,ა“ ქვეპუნქტით (წინასწარი შეთახმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა-შენახვა) და 260-ე კვარტა მუხლის მე-5 ნაწილის ,,ბ“ და მე-6 ნაწილის ,,ა“ ქვეპუნქტით (წინასწარი შეთანხმებით ჯგუფის მიერ განსაკუთრებით დიდი ოდენობით ნარკოტიკული საშუალების უკანონო რეალიზაციის ხელშეწყობა) წარედგინათ, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს” – ნათქვამია პროკურატურის განცხადებაში.
მათივე თქმით, პროკურატურამ ბრალდებულებისათვის აღკვეთის ღონისძიების სახით პატიმრობის შეფარდების შუამდგომლობით სასამართლოს უკვე მიმართა.