ზუგდიდში ქალმა ქალი მოკლა, დაკავებულია ბრალდებული 34 წლის ქალი – აღნიშნულთან დაკავშირებით ინფორმაციას შინაგან საქმეთა სამინისტრო ავრცელებს. უწყების ცნობით, მკვლელობის ბრალდებით 34 წლის ქალია დაკავებული.
„გამოძიებით დადგინდა, რომ ბრალდებულმა მიმდინარე წლის 13 აგვისტოს, ზუგდიდში, საკუთარ საცხოვრებელ სახლში, ურთიერთშელაპარაკების ნიადაგზე, ცივი იარაღის გამოყენებით მრავლობითი ჭრილობა მიაყენა – 1983 წელს დაბადებულ ნ.მ.-ს. მიღებული დაზიანებების შედეგად ნ.მ. შემთხვევის ადგილზევე გარდაიცვალა.
დანაშაული 15 წლამდე ვადით თავისუფლების აღკვეთას ითვალისწინებს.“, – ნათქვამია განცხადებაში.
გავრცელებული ინფორმაციით, ზუგდიდში ქალმა მისი ახლობელი, 45 წლამდე ქალი, ეჭვიანობის ნიადაგზე ცივი იარაღით მოკლა.