15 აგვისტოს, აშშ-ისა და რუსეთის პრეზიდენტები ალასკას ქალაქ ანკორიჯში შეხვდებიან ერთმანეთს. დონალდ ტრამპი ამბობს, რომ, პუტინთან შეხვედრის შემდეგ, პირველ რიგში – სწორედ ვოლოდიმირ ზელენსკის დაურეკავს და შესაძლოა უთხრას – “ბრძოლა გააგრძელე!”.
აშშ-ის პრეზიდენტი გეგმავს, რომ რუსეთის პრეზიდენტ, ვლადიმერ პუტინთან შეხვედრის შემდეგ ევროკავშირისა და ნატოს ლიდერებსაც დაურეკოს, რათა პუტინთან საუბრის შესახებ საქმის კურსში ჩააყენოს.
11 აგვისტოს, თეთრ სახლში გამართულ პრესკონფერენციაზე პრეზიდენტმა ტრამპმა თქვა, რომ ევროპელებთან “შესანიშნავი ურთიერთობები” აქვს.