“იმედი მაქვს, რომ აშშ-ის პრეზიდენტი ამას აცნობიერებს”- რაზე საუბრობს ზელენსკი

უკრაინის პრეზიდენტმა ვოლოდიმირ ზელენსკიმ აშშ-ის პრეზიდენტ დონალდ ტრამპსა და რუსეთის პრეზიდენტ ვლადიმერ პუტინს შორის დაგეგმილ შეხვედრამდე განაცხადა, რომ ეს მოლაპარაკებები მნიშვნელოვანია მათი, ანუ, რუსეთისა და აშშ-ის ორმხრივი ურთიერთობებისთვის, უკრაინასთან მიმართებით კი “უკრაინის გარეშე უკრაინაზე საუბარი შეუძლებელია და ამას ვერავინ მიიღებს”.

ეს განცხადება ვოლოდიმირ ზელენსკიმ დღეს, 12 აგვისტოს გამართულ პრესკონფერენციაზე გააკეთა. ვოლოდიმირ ზელენსკიმ თქვა:

“რაც შეეხება მოლაპარაკებებს, ნებისმიერ შემთხვევაში, ეს მნიშვნელოვანია ლიდერების დონეზე, მაგრამ უკრაინაზე საუბარი უკრაინის გარეშე შეუძლებელია და ამას ვერავინ მიიღებს. ამდენად, პუტინსა და ტრამპს შორის საუბარი შესაძლოა, მნიშვნელოვანი იყოს მათი ორმხრივი ურთიერთობებისთვის. თუმცა, ისინი ჩვენს გარეშე ვერაფერს ვერ მიღებენ. მე ნამდვილად მჯერა და იმედი მაქვს, რომ აშშ-ის პრეზიდენტს ეს ესმის და აცნობიერებს”, – აღნიშნა მან.

ვოლოდიმირ ზელენსკიმ ასევე აღნიშნა, რომ იგეგმება სამმხრივი შეხვედრა ლიდერების დონეზე, თუმცა ზუსტი თარიღი უცნობია.

“იქ რამდენიმე საკითხი წამოიჭრება. გააკეთეთ ყველაფერი, რომ ეს ომი დასრულდეს. არის რაღაცები, რაც თქვენს გულშია და არის რაღაცები, რაც თქვენს კონსტიტუციაშია”, – თქვა ვოლოდიმირ ზელენსკიმ.