არქიმანდრიტი დოროთე ყურაშვილი “ქართული ოცნების” წარმომადგენლების მიერ, შინდისის გმირების საფლავზე გაკეთებულ განცხადებებს ეხმიანება და ამბობს, რომ ის, “რასაც “ოცნების წევრები კადრულობენ კომუნისტებსაც არ უკადრებიათ”.
სასულიერო პირის განცხადებით, მაშინ, როცა ისინი მტრის მხარეს არიან, მტერს შეწირული გმირების საფლავზე არ უნდა მიდიოდნენ.
“რასაც ესენი კადრულობენ, ამას კომუნისტებიც არ კადრულობდნენ, მარო მაყაშვილთან არ დადიოდნენ კომუნისტები. ესენი დღეს იქ მივიდნენ და შინდისის გმირებს დააბრალეს, თითქოს ისინი “დიფ სთეითის” მსხვერპლი არიან და სააკაშვილის მსხვერპლია და არა სამშობლოს, არა რუსეთის და ეს ძალიან დიდი უტიფრობაა. მე ვფიქრობ, რომ ძალიან დიდი უსინდისობა არის ამის თქმა ამ ბიჭების წინაშე და საერთოდ მისვლა ამათი, როცა ესენი მტრის მხარეს არიან, როგორ უნდა მიხვიდე იმ ბიჭებთან, რომელიც მტრის მსხვერპლი გახდნენ. საერთოდ არ უნდა წასულიყვნენ, არ უნდა მივიდნენ და არ უნდა გაეკარონ მათ საფლავს,” – განაცხადა არქიმანდრიტმა დოროთე ყურაშვილმა.