უკრაინის პრეზიდენტი ვოლოდიმირ ზელენსკი ამბობს, რომ რუსეთის პრეზიდენტი ვლადიმერ პუტინი “არ ემზადება” უკრაინაში ცეცხლის შეწყვეტისთვის.
“ვლადიმერ პუტინი განწყობილია მხოლოდ იმისკენ, რომ წარმოაჩინოს შეხვედრა ამერიკასთან, როგორც საკუთარი პირადი გამარჯვება და შემდეგ განაგრძოს მოქმედება ისე, როგორც მანამდე, განახორციელოს უკრაინაზე ზეწოლა ისე, როგორც მანამდე. არ არსებობს არც ერთი ნიშანი იმისა, რომ რუსებმა მიიღეს სიგნალი, ომისშემდგომი სიტუაციის მოსამზადებლად”, – თქვა ვოლოდიმირ ზელენსკიმ.
მან დაამატა, რომ რუსები თავიანთ ჯარებსა და ძალებს ისე გადაადგილებენ, რომ ახალი შეტევითი ოპერაციები დაიწყონ.
“თუ ვინმე მშვიდობისთვის ემზადება, ის [ვლადიმერ პუტინი] ამას არ აკეთებს. ჩვენ ვაგრძელებთ ჩვენი პარტნიორების ინფორმირებას ბრძოლის ველზე, დიპლომატიასა და რუსეთის მიერ შემდგომი ქმედებების დაგეგმვის რეალური ვითარების შესახებ”, – თქვა ვოლოდიმირ ზელენსკიმ.